Aurten KORRIKA gure artean dago berriz, guk ere ospatu nahi izan dugu gaurko egunean.
Guztion artean EUSKARAri abiadura eman diezaiogun!!!
Zuekin hemen konpartitu nahi dugu gelan egindako lana. Taldeetan LANBIDE bat aukeratu, marraztu eta koloreztatu egin genuen ondoren beste gelakoei aurkezteko. ASMAKIZUN moduan pistak eman genituen, eta beste gelakoek lanbide guztiak asmatu zituzten! Lan txukuna eta polita egin genuen, eta...
EDERKI PASA GENUEN GUZTIOK ELKARREKIN!
Jakina da emakumearen eguna MARTXOAK 8an ospatzen dela, eta gu geu ere eskolan hala egin genuen: morez jantzita etorri ginen egunean bertan, egun berezi honi buruz ausnartu genuen, eskolako paretak margotu genituen, gaiarekin lotura duten ipuinak eta bitxikeria batzuk ikusi eta entzun genituen, gure gorputza morez apaindu genuen, etab. Ikusi, ikusi!
Aurreko astean Altzako liburutegira abiatu ginen goiz pasa, bertan IPUIN KONTALARI batek kontatzen zituen istorio zoragarriak entzutera. Han geundela, liburutegiaren funtzionamendua azaldu zigun, eta familiarekin nahi dugunean joan gaitezkeela bergogoratu zigun, ipuinak ikustera edo/eta bertan dauden musika, filma eta bideo jokoak etxera eramatera.
Animatu zaitezte, leku xarmangarria da gure auzoko liburutegia eta!
